قصــــــــــــــــــــيدة

سفــــرك زاد شــــجونى قلبك لى نفر
ما خليتـــــنى اشوفك ليه قبـل السفر
*****
احد الودعـــــوك جاب لى الخـــــــبر
زاد نارى اشتــــعال والدمــــــع انهمر
فرق الساعــــة منــــك لى انا بى دهر
وراك يا روحى خليتنى للبــــكا والسهر
*****
حبى انا ليك انت عــــــدد ورق الشجر
واكـــــــتر من نجــــــوم الليل الكفر
ايوب يا حبيــــــبى زيي انا ما صــــبر
لكن قلبك انت اقـــــــوى من الحــجر
*****
تايــــــه فى دلالك وما جايب خـــــبر
ونا البـــــــين يا حبيبى فى بـــياً أسر
ساهــــر راجى طيفك لى أنا ما عـــــبر
يوم تظـــــهر امامى يزول كل الضــجر
*****
حبك ياسمــــــيرى فى كل الشـــــجر
بلبل يحكى عنه فى قلـــــــــب الوكر
وافى لك حــــــنين راجيــــك منتظر
ما تقول ناسي حبــــــك من بعد السفر
*****
لى رجوعـــــك حبيبى منتـــظر الخبر
واحشانى الليالى وليـــــلى بـــلاك مر
طايع لى اوامــــــرك ما بخـــالف امر
واقول يا ناس حبيـــــبى بى عدله امر
*****
قالو كتــــــير علينا حســـدونا البشر
عزال فى طريقنا قاصـــــــدين الكدر
حبنا نحن اقــــــــــوى من لفح القدر
تشهـــــد لى لقانا باقــــــــات الزهر
*****