نكــات بنختلف النكهات

رباطابى راكب جمل
جات حنكوشة سالتو عمو جملك ده بضرب؟
قال ليها: لا بعمل مس كول بس
***
رباطابي مرتو قالت ليهو: دايرة قميص نوم
فقال ليها: اللابساهو دا مالو ... مساهر بيك؟
***
في مدرّس نقلوهو جهة الرباطاب ومن أول يوم في المدرسة
لاحظ هنالك حمار في الشارع يتاوق بشباك الفصل ويدعك جسمه
ويمشي، كل يوم كده الأستاذ قال للطلاب: الحمار دا عندو
ود عم هنا ولا شنو؟ قام طالب من أولاد الرباطاب قال ليهو: يا أستاذ
الحمار دا بيجي في حصّتك بس!

***
رباطابي مركبة غرقت مشى يعمل بلاغ العسكري قال ليهو غرقت وين قال ليو في شارع الظلط
***
رباطابى وشايقى سكاهم مرفعين وقاموا جاريين والمرفعين وراهم وبعد مسافة قام الشايقى قال للرباطابى ياخوى ما تشوف ليك تراب تكشح المرفعين دة قام الرباطابى قال ليه: وانت جارى فى برش؟

***
رباطابي قال لي بنت ولدو: يا بت جيبي لي موية
عمك شايف الكبابية فوق الزير ، والبنت تدخل وتخرج قام
قاليها يا بت الموية وين؟ فقالت ليهو: يا جِدّو ما لاقية
الكباية عمّك قال ليها : يا بت الكباية ياها دي فوق الزير
البنت قالت: يا جدوا الكباية دي ما فيها يد ، عمّك الرباطابي
قال ليها: أنا أصلي داير أسلّم عليها!
***
رباطابي دخل محل موبايلات شايل ديك سألوه للبيع؟ قال لا ، دايرين نغير ليهو النغمة
***
رباطاب شايلين ليهم زول تعبان مودنو المستشفى لاقهم واحد قال ليهم خير يا جماعة ان شاء الله عوجة مافي قالو ليهو خير بس فلان دا عيان شوية اها وهسي مودنو وين العيان رفع راسو وقال ليهو مودني الطاحونة

سكران قبضوه ناس الشرطة
قالوا ليه : اركب ..
قال: اركب وين؟
قالوا ليه : اقرأ دي شنو؟ قال : السر .. طه!! ضحكوا
وقالوا ليه : نقطها واركب

واحد سألوه ماهو الفرق بين المتزوج والعازب

قال

العازب حا يتزوج والمتزوج حا يتعذب

الشايقى معاه ضيوف فى الصالون ومرته كوركت
لولدها يجيب عدة الشاى من الصالون , الولد
مشى الصالون وجاها قاليها أبوى قال عاوز
يتنى الشاى , قالت ليهو أبوك ياها فلاحتو
ما بتنى الا فى الشاى ....

واحد بيكره نسيبتو
عندو ساعة حائطية تقيلة معلقة فوق باب الصالة
الساعة وقعت بعد ثانية من مرور نسيبتو
عرف الحاصل بعد جا من الشغل فقام قال لي مرتو
ما قلت ليك الساعة دي بتأخر

لك الشكر علي همسات الراقية
هيثم حاج علي مشكوووووور
واصل في الابداع

ادروب قالوا ليك لاعب 14 و قافل على عشرة هارد جوكر بايظ و بعدين عندهم
في الحاره واحد بتاع كجور اسمو فكي طاهر فصاحبنا اثناء اللعب و كانت
الجره حقتو فصاحبنا كان طول الوقت بيقول عشرة هارد يا فكي طاهر
عشرة هارد يا فكي طاهر فقام جر الكوتشينه لقى ليك الجره بتاعتو جوكر
قام قال بصوت عالي فكي طاهر شخصيا

في جماعه من السكرجيه و المساطيل كانوا جوعانين جوع شديد جدا جدا
و بعدين لاحظوا خروف عمك ابراهيم المشهور جاي ماشي فهو خروف سمين
و معروف عند الناس كلهم و بعدين الجماعه اتشاوروا سريع و قاموا مسكوا
خروف عمك ابراهيم و جضموه ليك حته حته و ظبتوا حلتهم و ضربوا
مريستهم و سجائرهم و ناموا و بعد ما استيقظوا من النوم في واحد منهم
عاين لفروة الخروف و قال و الله يا اخوانا نحن دخلنا في مشكله مع عمك
ابراهيم حنتصرف كيف معاه رد عليه واحد تاني وقال ليهو انت في عمك
ابراهيم و لا نحن كيف حنقابل ناس الحاره رد عليهم واحد تاني وقال ليهم
انتو في ناس الحاره ولا نحن كيف حنقابل الله يوم القيامه لأنو حيجي عمك
ابراهيم و حيجيبوا كل البشر و الميزان و حيجيبوا الخروف علشان يحاسبونا
في تلك اللحظه تدخل واحد مسطول كان راقد وعامل نفسه نايم قال ليهم
بسيطه يا جماعه بس عمك ابراهيم ياخد خروفه و يتخارج

.

في اثنين مساطيل اتلاقوا لاول مره في بيت واحد صاحبهم مروق عندو غرفه مكندشه واحد منهم شعر بالبرد و قال لصاحبه انا بردان فرد ليهو اخونا على الفور وانا عصام من ام دوم

كان جحا يربي خروفا جميلا وكان يحبه ، فأراد أصحابه أن يحتالوا عليه من أجل أن يدبح لهم الخروف ليأكلوا من لحمه ... فجاءه أحدهم فقال له : ماذا ستفعل بخروفك يا جحا ؟ فقال جحا : أدخره لمؤنة الشـتاء فقال له صاحبه : هل أنت مجنون الم تعلم بأن القيامة ستقوم غدا أو بعد غد!ـ هاته لنذبحه و نطعمك منه .... فلم يعبأ جحا من كلام صاحبه ، ولكن أصحابه أتوه واحدا واحدا يرددون عليه نفس النغمة حتى ضاق صدره ووعدهم بأن يدبحه لهم في الغـد ويدعوهم لأكله في مأدبة فاخرة في البرية.ـ وهكذا ذبح جحا الخروف وأضرمت النار فأخذ جحا يشويه عليها ، وتركه أصحابه وذهبوا يلعبون ويـتنزهون بعيدا عنه بعد أن تركوا ملابسهم عنده ليحرسها لهم ، فاستاء جحا من عملهم هذا لأنهم تركوه وحده دون أن يساعدوه ، فما كان من جحا إلا أن جمع ملابسهم وألقاها في النار فألتهمتها . ولما عادوا اليه ووجدوا ثيابهم رماداَ . هجموا عليه فلما رأى منهم هذا الهجوم قال لهم : ما الفائدة من هذه الثياب إذا كانت القيامة ستقوم اليوم أوغدا لا محالة؟

سوداني سكران قال لي صاحبو : انا مرات 5 كاسات..... ما تسكرني..... ومرات 8 ماتسكرني.... ومرات جالون كامل ما يسكرني..... ومرات نص كاس بس يسكرني......]غايتو السكر ده توفيق من رب العالمين

يا ود حاج على هاك دى
بتاع حركه فى يوم دخلتو جات مرتو
لابسه قميص النوم
قطع ليها وصل مخالفه

مشكوووووووور هيثم علي الروعة.

تسلم يا هيثم..